Íris skoraði eina mark Fiorentina
Íris Ómarsdóttir var á skotskónum með Fiorentina sem tapaði fyrir Juventus, 2-1, í Seríu A á Ítalíu í dag, en landsliðskonan Hlín Eiríksdóttir þurfti að fara af velli áður en fyrri hálfleikurinn var úti.
Hlín og Íris voru báðar í byrjunarliði Fiorentina en Hlín yfirgaf völlinn á 36. mínútu.
Þremur mínútum síðar jafnaði Íris metin sem var hennar sjötta í öllum keppnum á þessu tímabili.
Katla Tryggvadóttir kom inn af bekknum í síðari hálfleiknum hjá Fiorentina undir lok leiks. Fiorentina er í 7. sæti með 26 stig eftir átján leiki.
Birta Georgsdóttir var í fremstu víglínu hjá Genoa sem beið lægri hlut fyrir Napoli, 4-1, á útivelli.
Það gengur ekkert hjá Genoa sem er í neðsta sæti deildarinnar með níu stig og ekki unnið leik síðan í nóvember.
Sveindís Jane Jónsdóttir lék allan leikinn í liði Angels City sem tapaði fyrir Orlando Pride, 2-1, með svekkjandi marki seint í uppbótartíma í NWSL-deildinni í Bandaríkjunum. Angels City er í öðru sæti með níu stig eftir fjórar umferðir.
