Artur Ionita í leik með Hellas Verona á sínum tíma. Bakvið hann sést Emil Hallfreðsson.
Artur Ionita er skærasta stjarna Moldavíu en hann spilar með Cagliari í Serie A á Ítalíu. Artur hefur lengi spilað í Serie A en hann var liðsfélagi Emils Hallfreðssonar hjá Hellas Verona á sínum tíma.
„Ég talaði við Emil í síma gær og sambandið á milli okkar er mjög gott. Ég hlakka til að hitta hann. Þó að það séu þrjú ár síðan við spiluðum síðast saman þá bíð ég spenntur eftir að mæta honum í leiknum á morgun," sagði Artur á fréttamannafundi í dag.
Moldavía vann Andorra 1-0 í júní en hefur tapað hinum þremur leikjum sínum í riðlinum til þessa.
„Við ætlum að berjast fyrir þessum þremur stigum, þau eru mikilvæg fyrir okkur. Við erum með frekar ungt lið og nýjan þjálfara svo við þurfum kannski smá tíma til að verða betri. Við ætlum samt að berjast og gera okkar besta," sagði Artur.
Smelltu hér til að kaupa miða á leikinn við Moldavíu
Sjá einnig:
Moldóvar hafa ekki unnið marga leiki - Eiga leikmann í Serie A
Athugasemdir
