Líklegt byrjunarlið Man Utd í fjarveru Casemiro

Manchester United á tvo leiki framundan gegn Leeds United í ensku úrvalsdeildinni. Liðin eigast við á Old Trafford í kvöld og mætast svo á Elland Road á sunnudag.

Rauðu djöflarnir eru þunnskipaðir á miðsvæðinu. Casemiro er í banni auk þess sem Christian Eriksen, Donny van de Beek og Scott McTominay eru á meiðslalistanum.

Líklegt er að brasilíski landsliðsmaðurinn Fred verði með Marcel Sabitzer, lánsmanninum sem kom frá Bayern München, á miðju Man Utd í kvöld.