Enska landsliðið kemur til Íslands í apríl og spilar gegn íslenska landsliðinu í undankeppni HM 2027. Það verður 500. leikur enska kvennalandsliðsins.
Spilað verður á Laugardalsvelli laugardaginn 18. apríl. Liðin eru í riðli með Spáni og Úkraínu í undankeppninni.
Spilað verður á Laugardalsvelli laugardaginn 18. apríl. Liðin eru í riðli með Spáni og Úkraínu í undankeppninni.
Ísland mætir Spáni og Englandi ytra í byrjun mars og verður landsliðshópurinn fyrir þá leiki tilkynntur næsta mánudag.
Í apríl spilar Íslands svo tvo heimaleiki; fyrst gegn Úkraínu 14. apríl og svo gegn Englandi 18. apríl.
Spánn er ríkjandi heimsmeistari eftir að hafa unnið England í úrslitaleik árið 2023. England er ríkjandi Evrópumeistari eftir að hafa unnið Spán í vítaspyrnukeppni í úrslitaleiknum síðasta sumar.
Fyrsti leikur enska kvennalandsliðsins var spilaður árið 1972, leikið var gegn Skotlandi. Níu árum seinna spilaði íslenska kvennalandsliðið sinn fyrsta leik, einnig gegn Skotlandi.
Athugasemdir
