Chelsea hefur hafið viðræður við varnarmanninn Antonio Rudiger um nýjan langtímasamning.
Lundúnafélagið vill að Þjóðverjinn skrifi undir þriggja ára samning með möguleika á framlenginu um eitt ár.
Samkomulag er ekki nálægt því að vera í höfn og hefur kórónuveirufaraldurinn og hlé á tímabilinu haft áhrif á viðræðurnar. Óvissan sem er í gangi er að trufla viðræðurnar.
Frammistaða Rudiger síðan hann sneri úr meiðslum í desember hefur hrifið Chelsea-menn og félagið vill framlengja við hann til 2023 að minnsta kosti. Núgildandi samningur hins 27 ára gamla Rudiger rennur út 2022.
Rudiger kom til Chelsea frá Roma árið 2017, en hann hefur einnig leikið fyrir Stuttgart í heimalandinu á ferli sínum.
Athugasemdir