Matuidi varð Heimsmeistari með Frakklandi árið 2018.
Miðjumaðurinn Blaise Matuidi er búinn að yfirgefa herbúðir Ítalíumeistara og er hann á leið til Inter Miami þar sem David Beckham er eigandi.
Matuidi fer á frjálsri sölu þrátt fyrir að samningur hans hafi ekki endað í sumar. Hann átti að enda á næsta ári.
Matuidi var í þrjú tímabil í ítölsku úrvalsdeildinni og vann ítalska meistaratitilinn öll tímabilin.
Matuidi varð 33 ára í apríl og kemur væntanlega til með að enda feril sinn í MLS-deildinni í Norður-Ameríku. Það eru alveg til verri staðir til að enda ferilinn á en í Miami.
Inter Miami er nýtt félag í MLS-deildinni. Áðurnefndur Beckham stofnaði félagið og er eigandi þess.
Athugasemdir
