Manchester United hefur rætt við umboðsmenn á vegum miðjumannsins Denis Zakaria. Þetta segja fjölmiðlar í Þýskalandi.
Zakaria er leikmaður Borussia Mönchengladbach en hann verður samningslaus eftir leiktíðina og getur núna byrjað að ræða við önnur félög.
Samkvæmt Sport1 í Þýskalandi, þá er Ralf Rangnick, stjóri Man Utd, hrifinn af Zakaria og væri til í að bæta honum við leikmannahóp United.
Talið er að Gladbach sé tilbúið að selja hann í janúar fyrir um 5 milljónir punda sem væri mikið afsláttarverð í ljósi þess að ef hann verður ekki seldur í þessum mánuði, að þá fer hann frítt næsta sumar.
Man Utd er ekki eina félagið á eftir honum. Hann hefur einnig verið orðaður við félög á borð við Bayern München, Borussia Dortmund, Juventus og Barcelona.
Athugasemdir
