Milos Milojevic hefur verið ráðinn sænska úrvalsdeildarfélagsins Hammarby. Hann gerir þriggja og hálfs árs samning við Hammarby.
Milos er auðvitað fyrrum þjálfari Víkings og Breiðabliks.
Hammarby er í áttunda sæti eftir átta leiki í sænsku úrvalsdeildinni og var Stefan Billborn rekinn úr þjálfarastólnum en ákvörðunin er umdeild.
Milos hefur starfað sem aðstoðarþjálfari hjá Rauðu stjörnunni í Belgrad en þar áður var hann aðstoðarþjálfari og svo aðalþjálfari Mjällby í Svíþjóð. Hann náði eftirtektarverðum árangri með Mjällby.
Í sænskum fjölmiðlum segir að Hammarby hafi verið í sambandi við Milos í nokkurn tíma.
Þess má geta að stórstjarnan Zlatan Ibrahimovic á stóran hlut í Hammarby en varnarmaðurinn Jón Guðni Fjóluson er hjá Hammarby og hefur leikið alla átta deildarleikina á tímabilinu.
Milos Milojevic blir ny tränare för Hammarbys herrlag. Läs mer ⤵️https://t.co/NNVq6YbaHj#Bajen
— Hammarby Fotboll (@Hammarbyfotboll) June 13, 2021
Athugasemdir