13.08.19 - 17:45
Arnar Helgi Magnússon
Segja Kolbein Birgi vera að semja við Dortmund
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
Kolbeinn Birgir Finnsson er á leiðinni til þýska stórliðsins Dortmund en þetta herma heimildir vefmiðilsins 433.is.
Kolbeinn var á láni hjá Fylki fyrr í sumar en hann sneri aftur til Brentford eftir verslunarmannahelgina. Kolbeinn lék 13 leiki fyrir Fylki og skoraði í þeim tvö mörk.
Kolbeinn er fæddur árið 1999 en hann lék með Fylki upp alla yngri flokkana. Árið 2016 gekk hann í raðir Groningen áður en að hann samdi síðan við Brentford.
Samkvæmt heimildum 433.is mun Kolbeinn skrifa undir þriggja ára samning við þýska stórliðið.
Kolbeinn á að baki tvo A-landsleiki en hann hefur einnig spilað fyrir öll yngri landslið Íslands.
Atli Eðvaldsson lék með Dortmund á árunum 1980-1981 og mun Kolbeinn því feta í hans fótspor ef félagaskiptin ganga í gegn.
Kolbeinn er fæddur árið 1999 en hann lék með Fylki upp alla yngri flokkana. Árið 2016 gekk hann í raðir Groningen áður en að hann samdi síðan við Brentford.
Samkvæmt heimildum 433.is mun Kolbeinn skrifa undir þriggja ára samning við þýska stórliðið.
Kolbeinn á að baki tvo A-landsleiki en hann hefur einnig spilað fyrir öll yngri landslið Íslands.
Atli Eðvaldsson lék með Dortmund á árunum 1980-1981 og mun Kolbeinn því feta í hans fótspor ef félagaskiptin ganga í gegn.
