Fjárfestingabankinni Raine Group heldur utan um sölu Manchester United en tvö tilboð koma til greina.

Katarski bankamaðurinn Hamad al-Thani leiðir fjárfestingahópinn Nine Two Foundation en fulltrúar hópsins fara í viðræður við eigendur Manchester United á morgun. Á föstudag mun svo Sir Jim Ratcliffe ræða við félagið.

Hamad al-Thani er líklegasti kosturinn eins og staðan er í dag, en hann er tilbúinn að opna á viðskiptatækifæri fyrir Glazer-feðga í Katar.

Hann er þá reiðubúinn til að kaupa 100 prósent hlut í félaginu og hefur heitið því að bæta aðstöðu, leikvanginn og alla umgjörð í kringum félagið ásamt því að gefa Erik ten Hag nægan pening til leikmannakaupa.

Ratcliffe er aðeins talinn hafa áhuga á því að kaupa 69 prósent hlut Glazer-feðga.

Aðrir hópar hafa sýnt áhuga á að kaupa United en eins og staðan er í dag er baráttan á milli Ratcliffe og Hamad al-Thani.