Víkingur og Afturelding áttu að mætast klukkan 16:00 í riðli 2 í Akraneshöllinni í dag en margir leikmenn Víkings eru smitaðir af Covid-19 og var því ekki hægt að manna hópinn.

Ekki var hægt að finna annan leiktíma fyrir leikinn og hefur því Víkingur ákveðið að gefa leikinn og er því Aftureldingu dæmdur 3-0 sigur.

Afturelding er með þrjú stig í 3. sæti riðilsins en liðið mætir Grindavík í lokaumferðinni þann 27. janúar á Fagverksvellinum í Varmá.

Víkingur Ó. á að mæta KV eftir viku í Akraneshöllinni.