Sevila gerði jafntefli við Espanyol
Fyrstu tveir leikirnir í spænska boltanum voru að klárast en Sevilla og Espanyol gerðu 2-2 jafntefli í hörkuleik á meðan Leganes gerði markalaust jafntefli við Betis.
Sevilla komst yfir gegn Espanyol með marki frá Lucas Ocampos áður en Adri Embarba jafnaði metin á 35. mínútu með marki úr aukaspyrnu. Kínverski sóknarmaðurinn Wu Lei kom gestunum yfir í upphafi síðari hálfleiks áður en Victor Sanchez var rekinn af velli á 69. mínútu.
Það hafði áhrif á Espanyol og tókst Sevilla að jafna tíu mínútum fyrir leikslok. Sevilla er í fimmta sæti með 40 stig en Espanyol á botninum með 19 stig.
Leganes og Betis gerðu þá markalaust jafntefli. Borja Iglesias, framherji Betis, fékk rautt spjald undir lok leiksins. Betis er í ellefta sæti með 29 stig en Leganes í næst neðsta sæti með 19 stig.
Úrslit og markaskorarar:
Sevilla 2 - 2 Espanyol
1-0 Lucas Ocampos ('15 )
1-1 Adri Embarba ('35 )
1-2 Wu Lei ('50 )
2-2 Suso ('80 )
Rautt spjald: Victor Sanchez, Espanyol ('69)
Leganes 0 - 0 Betis
Rautt spjald: Borja Iglesias, Betis ('90)
Athugasemdir
