Chadi Riad er orðinn nýr leikmaður Crystal Palace eftir að enska úrvalsdeildarfélagið borgaði um 15 milljónir evra til að kaupa hann.
Riad er bráðefnilegur miðvörður sem á 21 árs afmæli í dag, 17. júní, og kemur úr röðum Real Betis.
Palace kaupir Riad til að fylla í skarðið sem enski landsliðsmaðurinn Marc Guéhi gæti skilið eftir ef hann verður seldur í sumar, en Riad spilaði 30 leiki með Betis á síðustu leiktíð og stóð sig vel.
Riad er uppalinn hjá Barcelona og kom einu sinni við sögu með meistaraflokki félagsins áður en hann var seldur.
Hann er fæddur á Spáni en ættaður frá Marokkó og á þrjá A-landsleiki að baki fyrir Marokkó, eftir að hafa spilað 15 leiki með yngri landsliðunum.
Riad skrifar undir fimm ára samning við Crystal Palace sem gildir þar til í júní 2029.
A new addition to the red and blue ????
— Crystal Palace F.C. (@CPFC) June 14, 2024
We are delighted to announce the arrival of Morocco international Chadi Riad on a long-term contract ???? pic.twitter.com/OAUCNgJRqs
Athugasemdir