Freyr Sigurðsson var hetja Fram.
Fram náði í fjórða og síðasta undanúrslitasætið í Mjólkurbikarnum en liðið vann 1-0 útisigur gegn Aftureldingu í Mosfellsbæ. Sigurmarkið kom á 68. mínútu.
„Fyrsta markið er komið! Vuk með flotta fyrirgjöf fyrir á varamanninn Frey sem er kominn í dauðafæri og getur ekki annað gert en að skalla þetta inn!" skrifaði Kjartan Leifur Sigurðsson sem textalýsti leiknum.
Framarar unnu sterkan sigur sem var í raun aldrei í hættu eftir að markið kom. Mosfellingar voru aldrei líklegir til að jafna þennan leik eftir að hafa lent undir og því ljóst að Fram spilar til undanúrslita i bikarnum.
Dregið verður í undanúrslitin í beinni á RÚV 2 á eftir en hægt er að fylgjast með drættinum í textalýsingu hér á Fótbolta.net. Auk Fram eru Vestri, Stjarnan og Valur í pottinum.
Og það er Fram sem tekur síðasta farseðilinn í undanúrslit Mjólkurbikarsins????????1-0 í Mosó gegn Aftureldingu.
— RÚV Íþróttir (@ruvithrottir) June 19, 2025
??Freyr Sigurðsson '68 pic.twitter.com/kim6AJZwSt
Athugasemdir
