Van Dijk stýrði vörn Liverpool eins og herforingi og hélt Christian Benteke niðri.

„Þetta er mjög erfiður leikur. Við vissum fyrir leikinn að þannig yrði það. Það kemur ekkert stórlið hingað og vinnur þægilega. Ég er ánægður með að halda hreinu og ég tel að þetta séu sanngjörn þrjú stig," sagði Hollendingurinn eftir leik.

„Við vissum að Crystal Palace myndi reyna að finna Benteke og hinn sóknarmanninn mikið. Þetta var alltaf að fara að verða erfitt en við vorum tilbúnir í baráttuna."

„Við erum með stórkostlegt lið og stórkostlegan þjálfara. Við æfum á hverjum degi hvernig við getum bætt okkur. Við sýndum margt gott í dag og verðum að vera stoltir af því."

Að lokum sagði Van Dijk að Liverpool þyrfti að stefna á að „vinna allt" en minntist einnig á það að langt tímabil er framundan