Hollenski miðjumaðurinn Gini WIjnaldum yfirgefur sádi-arabíska félagið Al Ettifaq í sumar en þetta segir Fabrizio Romano á X.
Wijnaldum, sem er 35 ára gamall, gekk í raðir félagsins frá Paris Saint-Germain fyrir þremur árum.
Hann hefur komið að 52 mörkum í 96 leikjum og verið einn af bestu mönnum liðsins á þessari leiktíð með fimmtán mörk í deild- og bikar.
Blaðamaðurinn Ben Jacobs sagði félagið hafa ákveðið að leyfa honum að fara í sumar af tæknilegum ástæðum en Romano segir það ekki rétt heldur liggja fjárhagslegar ástæður að baki.
Hollendingurinn fær því ekki nýjan samning og mun halda á vit nýrra ævintýra.
