Henk de Jong, stjóri De Graafschap í Hollandi, er í mjög sérstakri stöðu. De Graafschap fellur niður í B-deildina ef liðið tapar gegn Cambuur í komandi umspilsleik.

Það sem er áhugaverðast er að De Jong er búinn að gera samkomulag um að taka við Cambuur eftir tímabilið. Eðlilega kemur því spurningin: Vill hann tapa komandi leik til að vera í Eredivisie, efstu deild, á næsta tímabili?

Sjálfur segist De Jong vera algjörlega einbeittur á núverandi starf.

„Ég er íþróttamaður og vil ekki falla. Ég er þjálfari De Graafschap og hef ekki rætt neitt við leikmenn Cambuur enn," segir De Jong.

Fyrri umspilsleikurinn er að baki en hann endaði með 1-1 jafntefli. Seinni viðureignin verður á morgun.

Tweet

Senda a Facebook Hafdu samband Senda frétt Prenta frétt Frétta leit