21.07.21 - 10:00
Ívan Guðjón Baldursson
Kluivert ekki í áformum Mourinho - Lánaður til Nice (Staðfest)
Mynd: Getty Images
Mynd: Getty Images
Hollenski kantmaðurinn Justin Kluivert er meðal þeirra leikmanna Roma sem eru ekki í áformum Jose Mourinho, nýráðins þjálfara liðsins. Hann hefur verið lánaður til franska félagsins Nice.
Auk þess að greiða laun Kluivert borgar Nice 1 milljón evra fyrir að fá leikmanninn að láni. Franska félagið getur svo fest kaup á kantmanninum knáa fyrir 10 til 14 milljónir í viðbót.
Kluivert er 22 ára gamall og kostaði Rómverja rúmar 17 milljónir evra þegar hann kom frá Ajax sumarið 2018. Hann er samningsbundinn félaginu til 2023.
Hann skoraði 9 mörk í 68 leikjum hjá Roma og var lánaður til RB Leipzig í fyrra þar sem ekki gekk betur. Kluivert var mikilvægur hlekkur í U21 landsliði Hollands en á aðeins tvo leiki að baki fyrir A-landsliðið.
Auk Kluivert vill Mourinho senda Ante Coric, Robin Olsen, Davide Santon, Javier Pastore, Steven Nzonzi, Federico Fazio og Pedro burt frá höfuðborginni.
Kluivert er 22 ára gamall og kostaði Rómverja rúmar 17 milljónir evra þegar hann kom frá Ajax sumarið 2018. Hann er samningsbundinn félaginu til 2023.
Hann skoraði 9 mörk í 68 leikjum hjá Roma og var lánaður til RB Leipzig í fyrra þar sem ekki gekk betur. Kluivert var mikilvægur hlekkur í U21 landsliði Hollands en á aðeins tvo leiki að baki fyrir A-landsliðið.
Auk Kluivert vill Mourinho senda Ante Coric, Robin Olsen, Davide Santon, Javier Pastore, Steven Nzonzi, Federico Fazio og Pedro burt frá höfuðborginni.
