Massimiliano Allegri, stjóri Juventus, segir að leikurinn gegn Spezia á morgun sé „sex stiga fallbaráttuleikur". Juventus vonast til að vinna sinn fyrsta sigur á tímabilinu.

Juve er sem stendur í þriðja neðsta sæti með tvö stig en liðið hefur ekki náð að vinna í fyrstu fjórum leikjum sínum. Þetta er í fjórða sinn í sögunni sem það gerist.

Spezia er í 13. sæti, tveimur stigum á undan ítalska stórveldinu.

„Þegar horft er á töfluna núna þá er Spezia - Juventus sex stiga fallbaráttuslagur. Við þurfum að horfa raunhæft á þetta, við getum ekki rætt um markmið okkar eins og staðan er," segir Allegri.

Allegri tók aftur við stjórnartaumunum hjá Juventus á þessu tímabili en hann vann fimm deildarmeistaratitla í röð með félaginu milli 2015 og 2019.

„Það er enginn tilgangur í því að ræða um fortíðina. Þetta er öðruvísi Juventus lið."

Allegri var mjög pirraður þegar hann rauk inn í klefa eftir 1-1 jafntefli við hans fyrrum félag, AC Milan, á sunnudag. Allegri segir að þetta hafi ekki verið í fyrsta sinn.

„Það hefur oft komið fyrir að ég er reiður eftir leiki, ég er manneskja," segir Allegri.

STUÐNINGSSVEIT
FÓTBOLTA.NET

Komdu í hópinn!

Sífellt fleiri lesendur styrkja rekstur Fótbolta.net með mánaðarlegum greiðslum.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit