Valsmenn tryggðu sæti sitt í Pepsi Max deildinni endanlega þegar liðið gerði 2-2 jafntefli við Grindavík suður með sjó í dag. Haukur Páll Sigurðsson kom Val yfir með skrautlegu marki á 15, mínútu leiksins en Sigurður Bjartur Hallsson nýtti sér varnarmistök og jafnaði leikinn áður en flautað var til hálfleik. Aron Jóhannsson kom Grindavík yfir með snyrtilegu marki þegar um 20 mínútur lifðu leiks en Sigðurður Egill Lárusson jafnaði fyrir Val með marki beint úr aukaspyrnu og tryggði þar með sæti Vals og felldi um leið lánlausa Grindvíkinga.

Lestu um leikinn: Grindavík 2 -  2 Valur

„Miðað við hvernig leikurinn þróaðist við mjög erfiðar aðstæður og knattspyrnugeta hefur ekki mikið að segja við þessar aðstæður en mér fannst bæði lið sýna bara fínan leik miðað við aðstæður.“
Sagði Ólafur Jóhannesson þjálfari Vals um hvort hann væri sáttur við úrslit leiksins.

Valsmenn hafa valdið miklum vonbrigðum í sumar og eflaust ekki margir sem sáu fyrir sér að liðið yrði í neðri helmingnum og í raun í fallhættu fyrir leikinn í dag.

„Við hefðum viljað gera betur en þetta er staðreyndin.“

Hvað fór úrskeiðis?

„Það segi ég þér seinna.“

Sagði Ólafur stuttur í spuna og glotti en viðtalið við hann má sjá hér að ofan

Tweet

Senda a Facebook Hafdu samband Senda frétt Prenta frétt Frétta leit