Alonso, Neto, Eze, Greenwood, Ramaj, Alli, Son og fleiri góðir í slúðri dagsins
banner
   fös 22. september 2023 18:08
Ívan Guðjón Baldursson
Þjóðadeild kvenna: Vangsgaard afgreiddi Þjóðverja
Mynd: EPA
Mynd: EPA

Danmörk 2 - 0 Þýskaland
1-0 Amalie Vangsgaard ('23)
2-0 Amalie Vangsgaard ('64)


Danmörk var að leggja sterkt lið Þýskalands að velli í fyrstu umferð íslenska riðilsins í Þjóðadeildinni. 

Amalie Vagnsgaard, fyrrum markavél Linköping sem er samningsbundin PSG í dag, skoraði bæði mörk Dana í sigrinum.

Hún skoraði eftir undirbúning frá Pernille Harder í fyrri hálfleik og tvöfaldaði svo forystuna sjálf eftir leikhlé.

Það ríkti þokkalegt jafnræði með liðunum en færanýting heimakvenna í Danmörku var betri.

Ísland spilar við Wales í fyrstu umferðinni og er það gríðarlega mikilvægur slagur. Botnlið riðilsins fellur niður um deild en þriðja sætið fær umspilsleik við lið sem endar í öðru sæti í riðli í B-deildinni.

Toppsætið kemst í úrslitakeppnina og keppir um þátttökurétt á næstu Ólympíuleikum. Þá er mjög mikilvægt að falla ekki niður um deild vegna þess að það mun hafa mikil áhrif á uppröðun riðla í undankeppninni fyrir EM 2025.


Athugasemdir
banner
banner
banner
banner