Hann var á skotskónum í lokaumferðinni í dag þegar Víkingur vann 2-0 sigur á Leikni og tryggði sér um leið Íslandsmeistaratitilinn í fyrsta sinn í 30 ár.

Það var hans 16. deildarmark í sumar, í 21 leik. Nikolaj hefur spilað á Íslandi frá 2016 með Val og Víkingi, og hafði hann aldrei skorað meira en sex mörk á einu tímabili - fyrir þessa leiktíð. Hann bætti met sitt um tíu mörk!

Nikolaj fær gullskóinn, Árni Vilhjálmsson úr Breiðabliki fær silfurskóinn og Hallgrímur Mar Steingrímsson úr KA fær bronsskóinn.

Árni og Hallgrímur voru einnig á skotskónum í dag, í lokaumferð deildarinnar.