L’Equipe segir að viðræður Real Madrid um kaup á Kylian Mbappe, frönsku stórstjörnunni hjá Paris Saint-Germain, séu komnar á fullt skrið eftir nýtt tilboð spænska félagsins sem lagt hafi verið fram í dag.
Talað er um 170 milljóna evra tilboð (146 milljónir punda) sem sé með klásúlu um 10 milljónir evra til viðbótar í árangurstengdum greiðslum.
Talað er um 170 milljóna evra tilboð (146 milljónir punda) sem sé með klásúlu um 10 milljónir evra til viðbótar í árangurstengdum greiðslum.
Fyrr í vikunni hafnaði PSG 160 milljóna evra tilboði frá Madrídarfélaginu. Real Madrid hefur nú svarað með því sem sagt er lokatilboð í Mbappe en samningur hans við PSG rennur út eftir tímabilið.
Mbappe er sagður vilja fara í La Liga en hann hefur hafnað þremur mismunandi tilboðum frá PSG um framlengingu á samningi á undanförnum mánuðum.
Sagt er að Real Madrid hafi boðið Mbappe, sem er 22 ára, sex ára samning.
Athugasemdir