Silva var ákærður - ásamt Aleksandar Mitrovic, fyrir hegðun sína í 3-1 tapinu gegn Manchester United. Hann var ákærður fyrir obeldisfulla hegðun í garð dómara og einnig fyrir að kasta vatnsflösku í átt að aðstoðardómara.

Núna hefur Silva fengið aðra ákæru fyrir ummæli sem hann lét falla eftir leik um Chris Kavanagh, dómara leiksins.

„Saga okkar með Chris Kavanagh hefur verið erfið. Það er erfitt að skilja sumar ákvarðanir hans. Í dag sáu allir hvað gerðist í þessum leik," sagði Silva eftir tapið gegn Man Utd og ásakaði þar Kavanagh um að dæma gegn Fulham.

Það eru allar líkur á því að Silva sé á leið í leikbann eftir að hafa fengið á sig tvær ákærur.