Líkleg byrjunarlið Man City og West Ham

Manchester City og West Ham mætast í ensku úrvalsdeildinni á morgun klukkan 14:00. Liðin sem sitja í öðru og fjórða sæti mætast.

Phil Foden og Jack Grealish misstu báðir af leiknum gegn Paris Saint-Germain í miðri viku vegna meiðsla. Þeir eru tæpir fyrir þennan leik og þá er Kevin de Bruyne enn fjarverandi eftir að hafa greinst með Covid-19.

West Ham hvíldi þá Michail Antonio og Lukasz Fabianski í Evrópudeildarleiknum gegn Rapid Vín en þeir snúa aftur í byrjunarliðið á morgun.

Angelo Ogbonna er sá eini sem er á meiðslalistanum en ítalski miðvörðurinn spilar væntanlega ekki meira á tímabilinu eftir að hafa gengist undir aðgerð á hné.