Landsliðsmaðurinn Gylfi Þór Sigurðsson hefur fengið nokkra gagnrýni en Carlo Ancelotti, stjóri Everton, segist ánægður með Íslendinginn.

Ancelotti var spurður út í sínar væntingar til Gylfa.

„Mínar væntingar? Það er rétt að hann hefur ekki skorað eins og hann gerði á síðasta tímabili en hann er í öðru hlutverki á vellinum," segir Ancelotti.

„Hann tekur ekki eins mikinn þátt í sóknarleiknum en það skiptir ekki máli. Hann hefur náð að standast mínar kröfur."

„Hann er að gera vel og auðvitað vonast ég eftir því að hann geti skorað en það er ekki mikilvægasti hluti starfs hans núna."

Everton fær Manchester United í heimsókn á sunnudag. Theo Walcott er búinn að jafna sig eftir meiðsli á hné og gæti byrjað leikinn.

Lucas Digne missti af tapleiknum gegn Arsenal og bakvörðurinn er tæpur fyrir leikinn á sunnudag.

STUÐNINGSSVEIT
FÓTBOLTA.NET

Hjálpaðu okkur að halda áfram

Þrátt fyrir að enginn fótbolti sé spilaður næstu vikurnar mun umfjöllun okkar halda áfram.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit