Lisandro Martinez.
Enskir fjölmiðlar greina frá því í dag að argentínski varnarmaðurinn Lisandro Martínez, stundum kallaður 'slátrarinn', verði frá í tvo til þrjá mánuði vegna meiðsla á fæti.
Martínez hefur ekki byrjað tímabilið vel með Man Utd en þetta er samt sem áður högg fyrir liðið.
Meiðslin sem Martínez varð fyrir í apríl síðastliðnum tóku sig upp aftur í leik gegn Arsenal á dögunum og hafa þau verið að hrjá hann síðan þá.
Hann er ekki eini leikmaður Man Utd sem er kominn á meiðslalistann því vinstri bakvörðurinn Sergio Reguilon er einnig meiddur. Hann spilar líklega ekki aftur fyrr en eftir næsta landsleikjahlé.
Man Utd spilar við Crystal Palace í ensku úrvalsdeildinni klukkan 14:00 á morgun.
Athugasemdir
