Heimild: Fréttablaðið 

„Áður fyrr hefur Ítalía ekki verið stór markaður fyrir Íslendinga. Hvað olli því veit ég ekki, en þetta er að breytast. Íslendingar eru duglegir, aðlagast vel og læra tungumálið þar sem þeir eru. Svo held ég að flestir taki undir það að íslenskir leikmenn eru liðsmenn, en ekki einstaklingsmiðaðir og það heillar. Ég á von á því að fleiri lið horfi til Íslands núna þegar þau sjá velgengni Norðurlandarbúa í deildinni."

Bologna er með fjóra efnilega Íslendinga á sínum snærum. Félagið keypti Ara Sigurpálsson frá HK og fékk Hlyn Frey Karlsson og Gísla Gotta Þórðarson á láni frá Breiðabliki nýlega.

Magnús Agnar segir við Fréttablaðið að Andri Fannar hafi gripið tækifærið með báðum höndum þegar það gafst.

„Það var fram úr björtustu vonum að honum tókst að brjótast inn í aðalliðið á síðasta tímabili. Í knattspyrnu þarf maður að vera réttur maður á réttum stað. Hann komst í leikmannahópinn, stendur sig vel á æfingum og fékk tækifærið sem hann nýtti til hins ýtrasta. Það getur orðið dýrt ef illa gengur og leikmaður fær aðeins eitt tækifæri, en honum tókst að nýta það mjög vel," segir Magnús Agnar.