Kristján Gauti Emilsson.
Kristján Gauti Emilsson er kominn inn á sem varamaður í leik FH og Þórs í Mjólkurbikar karla. Er það hans fyrsti fótboltaleikur í sumar og hans fyrsti keppnisleikur síðan 2015.
Smelltu hér til að nálgast textalýsingu frá leik FH og Þórs.
Smelltu hér til að nálgast textalýsingu frá leik FH og Þórs.
Kristján Gauti kom inn á sem varamaður á 72. mínútu fyrir Guðmann Þórisson.
Kristján gekk aftur í raðir FH í júní og tók þá fram skóna á nýjan leik. Kristján Gauti er 27 ára en hann hætti óvænt í fótbolta 23 ára þegar hann var hjá NEC Nijmegen í Hollandi. Persónulegar ástæður voru sagðar liggja að baki en hann hefur aldrei tjáð sig opinberlega um málið.
Kristján Gauti var feykilega mikið efni á sínum tíma og fór ungur í Liverpool þar sem hann lék fyrir yngri lið félagsins.
Hann lék síðast fyrir FH 2014 þegar hann skoraði fimm mörk í níu leikjum í efstu deild. Hann hefur verið að koma sér í stand undanfarnar vikur og í kvöld fékk hann að spreyta sig.
Þetta er hans fyrsti keppnisleikur frá 2015, nánar tiltekið 28. ágúst 2015. Þá kom hann inn á sem varamaður á 61. mínútu 1-0 útisigri NEC gegn Willem II í hollensku úrvalsdeildinni.
Athugasemdir
