Sigfús Fannar Gunnarsson átti frábært tímabil í sumar þegar Þór stóð uppi sem sigurvegari í Lengju deildinni og tryggði sér þar með sæti í Bestu deildinni.
Sigfús er fæddur árið 2002 en hann skoraði fjögur mörk í 19 leikjum fyrir Þór í fyrra.
Hann bætti árangurinn umtalsvert síðasta sumar og skoraði 15 mörk í 21 leik og var markahæsti leikmaður deildarinnar ásamt Oumar Diouck leikmanni Njarðvíkur.
Fótbolti.net ræddi við Sigurð Heiðar Höskuldsson, þjálfara Þórs, fyrr í þessum mánuði og hann var spurður út í Sigfús.
„Hann var eiginlega alltaf bestur á æfingu. Hann tók eitthvað skref í vetur sem ég hef aldrei áður," sagði Siggi.
„Það var einhver orka sem hefur leyst úr læðingi. Þetta var alltaf þarna svo einhvern vegin springur út. Hann er frábær með boltann, óútreiknanlegur, örugglega mjög erfitt að spila við hann."
Athugasemdir
