Óskar Smári Haraldsson hætti sem þjálfari kvennaliðs Fram á dögunum og meistaraflokksráð kvenna sagði upp í kjölfarið. Þorgrímur Haraldsson, fyrrverandi formaður meistaraflokksráðs kvenna, sendi frá sér yfirlýsingu og tilkynnti um uppsögnina.
„Ég tel hinsvegar viðhorf og metnað stjórnar knattspyrnudeildar Fram gagnvart kvennaliðinu sínu ekki samræmast mínum eigin viðhorfum og metnaði. Þeirri skoðun deili ég með meistaraflokksráði og þjálfara liðsins svo við teljum okkur ekki hafa neinn annan kost en að víkja öll frá þessu," skrifaði Þorgrímur m.a. í yfirlýsingunni.
„Ég tel hinsvegar viðhorf og metnað stjórnar knattspyrnudeildar Fram gagnvart kvennaliðinu sínu ekki samræmast mínum eigin viðhorfum og metnaði. Þeirri skoðun deili ég með meistaraflokksráði og þjálfara liðsins svo við teljum okkur ekki hafa neinn annan kost en að víkja öll frá þessu," skrifaði Þorgrímur m.a. í yfirlýsingunni.
Stjórn knattspyrnudeildar Fram sendi frá sér yfirlýsingu í kvöld og þakkar fráfarandi þjálfarateymi og meistaraflokksráði fyrir þeirra framlag og störf í þágu félagsins.
„Stelpurnar hafa staðið sig frábærlega og mun stjórn knattspyrnudeildar halda áfram að styðja við liðið af fullum krafti. Á næstunni verður fundað til að ákveða næstu skref, og hefst þá jafnframt vinna við að ráða nýtt þjálfarateymi," segir í yfirlýsingu frá stjórn félagsins.
„Knattspyrnudeild Fram heldur áfram að leggja mikinn metnað í uppbyggingu beggja meistaraflokka, karla og kvenna, og styðja við leikmenn og þjálfara í átt að áframhaldandi framförum. Við höfum þegar fengið fjölda fyrirspurna og hlökkum til að kynna framhaldið fljótlega."
Athugasemdir
