,,Það er mjög gott að hefna fyrir þessi tvö töp í byrjun keppnistímabilsins en ég held að það sé samt mikilvægara að ná í þessi stig," sagði Logi Ólafsson þjálfari Selfyssinga eftir 1-0 sigur á Fjölni í fyrstu deildinni í kvöld.
,,Við erum í þessari toppbaráttu og viljum halda okkur þarna sem við erum og jafnvel ofar en það verður við rammann reip að draga þar sem Skagamenn eru mjög sterkir um þessar mundir."
Selfyssingar eru í fínum málum í öðru sæti deildarinnar en Logi fer rólega í allar yfirlýsingar.
,,Við höfum ekki heilabú í meira en næsta leik, því miður. Við getum ekki gefið út neinar yfirlýsingar nema við ætlum að vinna þann leik."
Hér að ofan má sjá viðtalið í heild sinni.
