Úr leiknum í kvöld.
Víkingar voru sjálfum sér verstir í kvöld þegar andlaust lið þeirra lá fyrir FH, 1-3. Víkingar voru manni fleiri bróðurpart leiksins en náðu aldrei að nýta sér þann liðsmun. "Þetta var gríðarleg vonbrigði, þessi leikur í kvöld. Þá er ég ekkert að tala um fótboltalega endilega heldur voru vilji og hugarfar ekki til staðar" sagði Bjarnólfur Lárusson, þjálfari Víkinga, eftir leikinn.
Lestu um leikinn: Víkingur R. 1 - 3 FH
Víkingar mættu sterku liði FH sem yfirspilaði Víkinga á meðan leikmenn liðanna voru jafnmargir "FH-ingarnir svoleiðis yfirspiluðu okkur í karakter og að vilja vinna þennan leik."
Skringilegt atvik gerðist um miðjan seinni hálfleik þegar Helgi Sigurðsson virtist liggja óvígur eftir dómara leiksins "Já, nei ég tók nefnilega ekki eftir því. Það má reyna á þessa reglu hvort dómarinn megi að gefa sjálfum sér gult spjald fyrir að kýla í hann eins og menn voru að lýsa fyrir mér."
Nánar er rætt við Bjarnólf í sjónvarpinu hér að ofan
