Maurizio Sarri, stjóri Chelsea, segist vera tilbúinn að fá John Terry í þjálfaralið félagsins ef það er möguleiki. Terry er fyrrum fyrirliði Chelsea en hann spilaði í vörn liðsins í tuttugu ár áður en hann fór til Aston Villa í fyrrasumar.
Hinn 37 ára gamli Terry hafnaði Spartak Moskvu í síðustu viku og óljóst er hvort að hann haldi áfram í fótbolta eða leggi skóna á hilluna.
„Síðast þegar ég ræddi við hann þá sagðist hann vilja spila í eitt tímabil í viðbót. Ég veit ekki stöðuna núna," sagði Sarri í dag.
Terry yfirgaf Aston Villa í sumar en Sarri væri til í að fá hann til starfa hjá Chelsea sem þjálfari.
„Auðvitað. Chelsea er heimili hans," sagði Sarri í dag.
Athugasemdir