Lokaumferðin í hollensku úrvalsdeildinni fór fram í dag. Ajax var í kjörstöðu fyrir umferðina og varð á engin mistök gegn Graafschap á útivelli.
Staðan var 2-1 fyrir Ajax í hálfleik og í seinni hálfleiknum gekk Dusan Tadic frá leiknum með tveimur mörkum og lokatölur 4-1 fyrir Ajax.
PSV vann á sama tíma 3-1 sigur á Heracles. Ajax vinnur deildina með þriggja stiga forskot á PSV.
Frábær tímabil hjá Ajax. Liðið er hollenskur deildarmeistari og bikarmeistari. Einnig komst liðið í undanúrslit Meistaradeildarinnar og var hársbreidd frá því að komast í úrslitaleikinn.
Þetta er í fyrsta sinn frá 2014 þar sem Ajax er hollenskur meistari. Erik Ten Hag að gera frábæra hluti með þetta lið.
Elías Már skoraði
Elías Már Ómarsson var á skotskónum fyrir Excelsior gegn AZ Alkmaar. Elías gerði þrennu í síðustu umferð og endar hann tímabilið með sjö mörk í 23 leikjum í hollensku úrvalsdeildinni á þessari leiktíð.
Albert Guðmundsson lék 64 mínútur fyrir AZ og fékk að líta gula spjaldið. Mikael Anderson sat allan tímann á bekknum hjá Excelsior sem vann leikinn 4-2.
Excelsior er á leið í umspil um laust sæti í hollensku úrvalsdeildinni að ári þar sem liðið mætir liði úr B-deildinni
AZ endar í fjórða sæti og fer í Evrópudeildina á næstu leiktíð.
ONE CHAMPIONSHIP,
— AFC Ajax (@AFCAjax) May 15, 2019
SO MANY EMOTIONS!
❌❌❌#nummer34 pic.twitter.com/c9zlc5HlCE
Athugasemdir