Næst síðustu umferð í Hollandi var rétt í þessu að ljúka.

Meistaraefnin í Ajax lentu undir gegn Utrecht á heimavelli en komu til baka og svöruðu með fjórum mörkum. Dusan Tadic gerði tvö mörk fyrir Ajax og Klaas Jan Huntelaar og Donny van de Beek gerðu sitt markið hvor.

Á sama tíma var Albert Guðmundsson í byrjunarliði AZ Alkmaar sem tók á móti PSV, sem var fyrir umferðina með jafn mörg stig og Ajax í toppsætinu. Alkmaar gerði sér lítið fyrir og lagði PSV að velli. Albert spilaði fyrstu 75 mínútur leiksins.

Í Feyenoord spilaði Robin van Persie lokaleik sinn á ferlinum fyrir Feyenoord. Den Haag var mótherji Feyenoord og unnu gestirnir 0-2 sigur. Robin van Persie var skipt út af á 93. mínútu.

Elías Már með þrennu í markaleik
Elías Már Ómarsson hefur þurft að sitja á bekknum í undanförnum leikjum og hefur ekki spilað síðan hann byrjaði gegn Herenveen þann 30. mars.

Elías Már byrjaði í dag á útivelli gegn Heracles og var kominn með tvö mörk í hálfleik. Staðn var 1-2 Excelsior í vil.

Heracles komst í 4-2 en Excelsior sneri taflinu við siðustu tuttugu mínúturnar. Á 89. mínútu jafnaði liðið leikinn og á 91. mínútu kláraði Elías Már þrennu sína.

Það var ljóst fyrir leikinn í dag að Excelsior fer í fallumspil en vonandi fyrir Elías Má er hann kominn til að vera í byrjunarliði Excelsior. Mikael Neville Anderson sat allan leikinn á varamannabekk Excelsior í dag.

Ajax 4-1 Utrecht

AZ Alkmaar 1-0 PSV

Feyenoord 0-2 Den Haag

Heracles 4-5 Excelsior

Tweet

Senda a Facebook Hafdu samband Senda frétt Prenta frétt Frétta leit