Heimir Hallgríms og Helgi Kolviðs.
Fótbolti.net fékk Helga Kolviðsson, aðstoðarlandsliðsþjálfara, til að ræða aðeins um hið gríðarsterka landslið Króatíu sem heimsækir okkur á Laugardalsvöll 11. júní.
Um er að ræða gríðarlega mikilvægan toppslag í undankeppni HM.
Um er að ræða gríðarlega mikilvægan toppslag í undankeppni HM.
Sjá einnig:
Króatíski hópurinn gegn Íslandi - Lovren valinn á ný
„Við vinnum alltaf í því að taka næsta skref og læra af hverjum leik. Þegar við erum að spila á móti svona toppliði eins og Króatíu þá skipta öll smáatriði máli. Við erum búnir að reyna að fara í gegnum það. Við gerum allt sem við getum til að ná í stig hérna heima," segir Helgi.
„Króatía er gríðarsterkt lið. Leikmennirnir eru í toppstandi í toppliðum. Það er gaman að fylgjast með þeim í toppleikjum um alla Evrópu. Maður sér þessi gæði og það gætu jafnvel þrír Króatar spilað á morgun í úrslitum Meistaradeildarinnar. Það voru tæplega 80 leikir sem leikmenn Króatíu spiluðu í Meistaradeildinni á þessu ári á móti 5 leikjum sem Birkir Bjarnason spilaði. Það eru ofboðsleg gæði í þessu liði."
Viðtalið má sjá í heild sinni í sjónvarpinu hér að ofan.
