Galtier tók við PSG síðasta sumar eftir að Mauricio Pochettino var látinn fara.

Á þessu tímabili tókst honum aðeins að vinna frönsku deildina en liðið datt úr leik í 16-liða úrslitum í bæði franska bikarnum og Meistaradeild Evrópu.

L'Equipe segir að Galtier muni stýra PSG í síðasta sinn gegn Clermont í lokaumferð frönsku deildarinnar á morgun.

Það verða svakalegar breytingar hjá PSG í sumar. Lionel Messi og Sergio Ramos eru á förum frá félaginu og þá er brasilíski framherjinn Neymar að öllum líkindum að yfirgefa félagið.