Bayern reyndi að kaupa Sane í sumar en þær tilraunir mistókust enda er leikmaðurinn gífurlega mikils virði. Hann meiddist þó illa á upphafi tímabils og virðist ekki vera sérlega spenntur fyrir að framlengja samning sinn við Manchester City, sem rennur út sumarið 2021.

Höness og stjórnendur Bayern ætla ekki að bjóða í Sane í janúar heldur bíða til næsta sumars og reyna að fá hann fyrir lægri upphæð. Man City vill rúmlega 130 milljónir punda en gæti sætt sig við 85 milljónir á næsta ári, til að eiga ekki í hættu á að missa Sane frítt.

Sane verður 24 ára í janúar og er búinn að festa sig í sessi sem einn af hættulegri kantmönnum Evrópu.