Hefur kannað áhuga annarra félaga á Steven Lennon
Steven Lennon hefur mikið verið í umræðunni.
Mynd: Fótbolti.net - Hafliði Breiðfjörð
Steven Lennon hefur mikið verið í umræðunni.
Mynd: Fótbolti.net - Hafliði Breiðfjörð
Samkvæmt heimildum Fótbolti.net hefur umboðsmaður Steven Lennon, sóknarleikmanns FH, kannað áhuga annarra félaga á Skotanum. Lennon er þó með samning við FH út tímabilið 2021.
Umboðsskrifstofan Deadline Day Sport er með Lennon á sinni skrá.
Umboðsskrifstofan Deadline Day Sport er með Lennon á sinni skrá.
Haft hefur verið samband við Val og kannað áhuga félagsins á þessum 31 árs leikmanni. Þá voru sögusagnir í gangi um að Lennon færi mögulega til Íslandsmeistara KR.
„Þetta hefur ekkert komið til umræðu hjá okkur eða á okkar borð, enda er þessi umræddi leikmaður samningsbundinn sínu félagi," sagði Kristinn Kjærnested, formaður KR, við 433.is í síðustu viku.
Lennon hefur ekki spilað með FH í Bose mótinu og sagan segir að Fimleikafélagið skuldi honum laun. Þær sögur fengu byr undir báða vængi þegar Lennon birti mynd á Instagram af syni sínum að grafa á ströndinni og skrifaði þar við að hann væri að leita að launagreiðslum sínum.
„Menn verða að kunna sig á samfélagsmiðlunum," sagði Ólafur Kristjánsson, þjálfari FH, þegar hann var spurður út í færsluna.
FH hafnaði í þriðja sæti í Pepsi Max-deildinni á liðnu tímabili og verður í Evrópukeppninni á næsta ári. Lennon hefur verið einn besti leikmaður Íslandsmótsins síðan hann kom til Íslands en hann hefur verið hjá FH síðan 2014.
„Þetta hefur ekkert komið til umræðu hjá okkur eða á okkar borð, enda er þessi umræddi leikmaður samningsbundinn sínu félagi," sagði Kristinn Kjærnested, formaður KR, við 433.is í síðustu viku.
Lennon hefur ekki spilað með FH í Bose mótinu og sagan segir að Fimleikafélagið skuldi honum laun. Þær sögur fengu byr undir báða vængi þegar Lennon birti mynd á Instagram af syni sínum að grafa á ströndinni og skrifaði þar við að hann væri að leita að launagreiðslum sínum.
„Menn verða að kunna sig á samfélagsmiðlunum," sagði Ólafur Kristjánsson, þjálfari FH, þegar hann var spurður út í færsluna.
FH hafnaði í þriðja sæti í Pepsi Max-deildinni á liðnu tímabili og verður í Evrópukeppninni á næsta ári. Lennon hefur verið einn besti leikmaður Íslandsmótsins síðan hann kom til Íslands en hann hefur verið hjá FH síðan 2014.
