Joan Laporta segir að Lionel Messi muni yfirgefa herbúðir Barcelona í sumar ef hann verður ekki kosinn forseti félagsins á sunnudag.
Forsetakosningar eru framundan hjá Börsungum og Laporta vill komast aftur að sem forseti en hann var forseti félagsins þegar Messi kom fram á sjónarsviðið á sínum tíma.
Forsetakosningar eru framundan hjá Börsungum og Laporta vill komast aftur að sem forseti en hann var forseti félagsins þegar Messi kom fram á sjónarsviðið á sínum tíma.
Hinn 33 ára gamli Messi verður samningslaus í sumar og gæti farið frítt frá Barcelona þá.
„Ég er viss um að ef einhver annar en ég vinnur kosninguna þá verður Messi ekki áfram hjá félaginu. Ég á í góðu sambandi við hann og það er mikil virðing okkar á milli," sagði Laporta.
„Við munum gera honum tilboð sem veltur á stöðu félagsins. Kannski getum við ekki keppt við aðra fjárhagslega en Messi lætur peninga ekki stjórna sér. Hann vill enda ferilinn á sem bestan hátt."
Athugasemdir
