„Það er betra að vinna en að gera jafntefli," sagði Pep Guardiola, stjóri Manchester City, eftir 2-1 dramatískan sigur á Borussia Dortmund í fyrri leik liðanna í átta-liða úrslitum Meistaradeildarinnar.
Phil Foden skoraði sigurmark City á 90. mínútu eftir að Marcos Reus jafnaði fyrir Dortmund á 84. mínútu.
„Við vorum ekki nægilega sniðugir með boltann í fyrri hálfleik. Seinni hálfleikurinn var mun betri. Við fengum færi til að skora annað og þriðja markið en það gekk ekki."
„Dortmund er með sterkt lið og með mikil gæði í þeim leikmönnum sem þeir eru með. Með stöðuna 2-1 eigum við góða möguleika."
Seinni leikurinn fer fram í næstu viku. „Við munum reyna að laga ákveðna hluti og fara í leikinn til að vinna hann. Næst er það Leeds og svo förum við til Þýskalands og reynum að vinna. Við förum í alla leiki til að vinna," sagði Guardiola.
Athugasemdir