Luis Suarez hefur yfirgefið brasilíska liðið Gremio og er að öllum líkindum á leið til Inter Miami í MLS deildinni í Bandaríkjunum.
Bandaríski miðillinn The Miami Herald greinir frá því að þessi 36 ára gamli Úrugvæi muni skrifa undir eins árs samning við félagið.
David Beckham er einn af eigendum félagsins en hann hefur nú þegar náð í Lionel Messi, Sergio Busquets og Jordi Alba fyrrum félaga Suarez hjá Barcelona.
Inter Miami mistókst að komast í úrslitakeppni MLS deildarinnar en markmiðin eru háleit hjá félaginu og ætlar liðið greinilega að gera atlögu að því að komast í úrslitakeppnina á næstu leiktíð.
Athugasemdir
