Þýska félagið Borussia Mönchengladbach hefur samþykkt 2 milljóna punda tilboð Nottingham Forest í þýska bakvörðinn Luca Netz.
Netz er 22 ára gamall og að renna út á samningi í lok tímabils.
Gladbach vildi alls ekki missa hann á frjálsri sölu og hefur nú samþykkt að leyfa honum að fara til Forest fyrir 2 milljónir punda.
Sky Sports segir samkomulag í höfn og er búist við því að það náist að ganga frá félagaskiptunum fyrir gluggalok.
Forest hefur verið í leit að nýjum vinstri bakverði síðasta sólarhringinn eftir að félagið missti Oleksandr Zinchenko sem fór til Ajax.
Netz á 40 landsleiki að baki með yngri landsliðum Þýskalands og var fyrir nokkrum árum talinn einn allra efnilegasti bakvörður Þjóðverja.
Athugasemdir
