Carragher hefur skipt um skoðun á Florian Wirtz.
Florian Wirtz fékk talsverða gagnrýni snemma á tímabilinu enda miklar væntingar eftir að Liverpool keypti hann á 116 milljónir punda. Eftir rólega byrjun er hann farinn að finna sig og er með fjögur mörk í síðustu sjö leikjum í ensku úrvalsdeildinni.
Jamie Carragher var sá sem gagnrýndi Wirtz hvað mest og hafði efasemdir um að hann gæti staðið sig í ensku úrvalsdeildinni. Carragher hefur heldur betur skipt um skoðun og líkir Þjóðverjanum núna við tvær goðsagnir úr deildinni.
Jamie Carragher var sá sem gagnrýndi Wirtz hvað mest og hafði efasemdir um að hann gæti staðið sig í ensku úrvalsdeildinni. Carragher hefur heldur betur skipt um skoðun og líkir Þjóðverjanum núna við tvær goðsagnir úr deildinni.
„Wirtz er stöðugt að verða betri. Það er enginn vafi á því að þessi náungi er með rosalega hæfileika. Enska úrvalsdeildin missti Kevin De Bruyne en við höfum fengið Wirtz," sagði Carragher í þætti sínum á Sky Sports.
„Við erum að tala um það þegar sérstakir leikmenn koma inn í deildina. Það getur verið svo gaman að horfa á Wirtz, ekki ólíkt David Silva. Sjálfstraustið hjá Wirtz er orðið mun meira. Hann virkaði eins og lítill strákur í upphafi tímabils en hefur losað sig við það."
Carragher var í banastuði í þætti sínum og hrósaði einnig Hugo Ekitike. Hann segir Ekitike vera betri leikmann en Fernando Torres, sem Carragher spilaði með hjá Liverpool á sínum tíma.
Athugasemdir
