Quique Sanchez Flores er nýr knattspyrnustjóri Watford á Englandi en félagið sendi frá sér tilkynningu nú rétt í þessu. Félagið hafði hraðar hendur eftir að hafa rekið Javi Gracia.
Gracia var látinn taka poka sinn fyrir rúmum hálftíma eftir slaka byrjun á tímabilinu en Watford er aðeins með eitt stig úr fyrstu fjórum leikjunum.
Hlutirnir gerðust nokkuð hratt eftir þá tilkynningu en Watford var rétt í þessu að tilkynna komu Quique Sanchez Flores.
Hann er vel kunnugur Watford en hann stýrði liðinu tímabilið 2015-2016 en hann var síðast að þjálfa Shanghai Shenhua í Kína.
Flores hætti hjá Shenhua í júlí og hefur nú verið ráðinn stjóri Watford.
Hann náði góðum árangri með Watford en hann stýrði liðinu í 13. sæti deildarinnar það tímabilið og kom þá liðinu í undanúrslit FA-bikarsins.
#watfordfc announces the appointment of Quique Sánchez Flores as the club’s new Head Coach.https://t.co/XqhpUvCwpT pic.twitter.com/HcU7Z87H79
— Watford Football Club (@WatfordFC) September 7, 2019
Athugasemdir