Tedesco tekur við af Roberto Martínez sem lét af störfum eftir sex ára starf, eftir að Belgía komst ekki upp úr riðli sínum á HM í Katar.

„Það er mikill heiður að vera nýr landsliðsþjálfari Belgíu. Ég hlakka til að takast á við þetta verkefni. Ég var með afskaplega góða tilfinningu alveg frá fyrstu viðræðum," segir Tedesco.

Fyrsti leikur Tedesco með Belga verður gegn Svíþjóð í Stokkhólmi þann 24. mars, í undankeppni EM. Það eru kynslóðaskipti að eiga sér stað í belgíska landsliðinu og fróðlegt að sjá hvernig Tedesco mun vegna í nýja starfinu.