Brasilíski blaðamaðurinn Fabio Vargas fullyrðir á X að Englandsmeistarar Liverpool séu að undirbúa tilboð í Gabriel Mec, leikmann Gremio í Brasilíu.
Gabriel er 17 ára gamall sóknarsinnaður leikmaður sem þreytti frumraun sína með aðalliðinu á þessu tímabili og spilaði sex leiki með U17 ára landsliði Brasilíu á HM í síðasta mánuði.
Vargas segir Liverpool hafa mikinn áhuga á honum, svo mikinn að það sé að undirbúa 13 milljóna punda tilboð í leikmanninn.
Segir hann þá að Gremio vilji fá aðeins hærri upphæð fyrir táninginn en tilboðið er væntanlegt á næstu dögum.
Ensk félög eru mikið farin að leita til Suður-Ameríku í leit að spennandi leikmönnum og er Liverpool ekki undanskilið þar, en þar sem Gabriel er 17 ára mun hann ekki geta gengið formlega í raðir Liverpool fyrr en næsta sumar.
Athugasemdir
