Jón Daði Böðvarsson og VIðar Örn KJartansson æfa með Selfyssingum
Íslensku landsliðsmennirnir Jón Daði Böðvarsson og Viðar Örn Kjartansson eru að halda sér við í sumarfríinu en leikmennirnir eru að æfa á Selfossi.
Jón Daði er á mála hjá Millwall í ensku B-deildinni en tímabilinu lauk á dögunum og fékk hann því kærkomið frí.
Viðar Örn var á láni hjá tyrkneska liðinu Yeni Malatyaspor frá Rostov en tyrkneska liðið féll niður í B-deildina.
Viðar er áfram samningsbundinn Rostov til 2022 en rússneska deildin fór af stað í dag.
Hann og Jón Daði eru á Íslandi og æfa á Selfossi þessa dagana en Gunnar Borgþórsson birti mynd á Instagram af leikmönnunum í gær. Dagný Brynjarsdóttir, leikmaður kvennaliðsins, var einnig með á myndinni sem má sjá hér fyrir neðan.
Athugasemdir
