Arsenal vann 4-1 útisigur gegn Tottenham í stórleik helgarinnar í ensku úrvalsdeildinni. Manchester City vann Newcastle og þá fögnuðu Liverpool og Manchester United mjög naumum sigrum. Troy Deeney, sérfræðingur BBC, hefur valið lið umferðarinnar.
Markvörður: Dean Henderson (Crystal Palace) - Varði víti og hélt hreinu í mikilvægum sigri Palace gegn Wolves.
Varnarmaður: Virgil van Dijk (Liverpool) - Er Rolls-Royce í mínum huga. Liverpool lenti í erfiðum leik gegn Nottingham Forest en Van Dijk steig upp eins og oft áður.
Varnarmaður: Harry Maguire (Manchester United) - Sá áreiðanlegi. Kom öflugur út úr fríinu til Íslands!
Varnarmaður: Lewis Hall (Newcastle) - Vissulega í tapliði en skoraði og átti frábæran leik gegn Manchester City.
Miðjumaður: Nico O'Reilly (Manchester City) - Leikmaður helgarinnar og hreinlega leikmaður mánaðarins. Margir líta á hann sem vinstri bakvörð en var á miðjunni gegn Newcastle og skoraði bæði mörk City í 2-1 sigri. Sá hefur verið öflugur.
Miðjumaður: Anton Stach (Leeds) - Skoraði úr aukaspyrnu í 1-1 jafntefli gegn Aston Villa.
Miðjumaður: Eberechi Eze (Arsenal) - Hefur stigið upp eftir gagnrýni. Tvö mörk gegn Tottenham um helgina og alls fimm mörk gegn þeim í deildinni þetta tímabilið. Gefur honum mikið sjálfstraust.
Miðjumaður: Diego Gomez (Brighton) - Skoraði í sigri gegn Brentford en skilaði að auki mikilvægu starfi á miðsvæðinu. Langþráður sigur Brighton.
Sóknarmaður: Zian Flemming (Burnley) - Skoraði og var sífellt erfiður viðureignar í 1-1 jafntefli gegn Chelsea.
Sóknarmaður: Raul Jimenez (Fulham) - Skoraði tvö í 3-1 útisigri gegn Sunderland.
Sóknarmaður: Viktor Gyökeres (Arsenal) - Skoraði tvö gegn Spurs. Vissulega var varnarframmistaða Tottenham hörmuleg en vel gert hjá þeim sænska.
Stjórinn: Mikel Arteta (Arsenal) - Það var mikil pressa á Arsenal eftir sigur City á laugardeginum. Arsenal stóðst þá pressu.
Athugasemdir
